-------------------------------------------------------------------------------------------------------
مرة واحد اطرش وقف سواق تاكسي اطرش برده وقاله مصر الجديدة ؟
رد السواق وقال لا والله انا رايح مصر الجديدة
رد الراجل وقال معلش انا كنت فاكراك رايح مصر الجديدة
-----------------------------------------------------------------------------------------------------------
واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه
------------------------------------------------------------------------------------------------------------
مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .
----------------------------------------------------------------------------------------------
مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!
قاك جايبلوا قفل صغير فقال بلديتنا يا خوووووى
----------------------------------------------------------------------------------------------------
مره دكتور عظام مشى بليل الكلاب طلعت تجرى وراه
------------------------------------------------------------------------------------------------------------
واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".
و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها **الة" قالوله غرامة 100 جنيه "بتأكل الفراخ **الة و تسمم الناس؟".
الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"
--------------------------------------------------------------------------------------------------------------
يقولك فيه حرامي دخل بيت عشان يسرق
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه
وراحت تنادي ولدها: محمد انده ابوك من على القهوه
الحرامي قاله بسرعه يامحمد وحياة والدك بسرعة
---------------------------------------------------------------------------------------------------------
مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه
------------------------------------------------------------------------------------------------------
ثلاثة مجانين طالعين فوق الشجرة ، جالهم الطبيب النفساني وقالهم انزلوا من فوق الشجرة
نزلوا اثنين وبقا واحد قاله انته ياللي فوق مانزلتش ليه ؟
صحبابه المجانين قال لو : سيبوا ، ده ليسة ماستواش
--------------------------------------------------------------------------------------------------------
مره واحد بلديتنا لقى خاتم سليمان جه يدعكه فعص العفريت
--------------------------------------------------------------------------------------------------------
اتنين سكرانين ماشيين فى الشارع لقو عمود نور..
واحد قعد يخبط عليه فصاحبه قاله دة باين مافيش حد..
قاله إزاى ده النور منور
-----------------------------------------------------------------------------------------------
واحد سكران كان بيعاكس وحدة وحشةاوي بالليل فكان بيقول لها يا وحشة يا وحشة
راحت ملتفتة ليه وقالت له يا سكران راح قايل لها طب انا سكران حفوء بكرة وانتي
----------------------------------------------------------------------------------------------------
مرة إتنين مساطيل راكبين عربية فواحد قال للتانى : حاسب قدامك شجرة
فالتانى مردش عليه
فعلى صوته شوية : قدامك شجرة برضه مردش عليه
فقاله : حاسب قداااامك شجرررر ..
طاخ خبطوا فى الشجرة فطلع من العربية
و قاله .. مش قلتلك قدامك شجرة ؟؟؟
فالتانى رد عليه : و أنا أعملك إيه مش إنت إلى سايق ؟؟؟
-----------------------------------------------------------------------------------------------------
----------------------------------------------------------------------------------------------
-------------------------------------------------------------------------------------------------------
مرة واحد عالم حب يعمل تجربة علي ضفدعة قام قطعت الرجل الاولى و قالها نطى فنطت فكتب ملاحظة عند قطع الرجل الاولى الضفدعة تنط فقطع الرجل الثانية قالها نطى فنطت كتب الملاحظة الاولى قطع الرجل الثالثة وقالها نطى فنطت و كتب نفس الملاحظة و قطع الرجل الرابعة والها نطى منطتش فكتب عند قطع الرجل الرابعة الضفدعة تفقد حاسة السمع
-------------------------------------------------------------------------------------------------------------------
مدرس كيمياء رزق بولد .... فسماه سامي أكسيد الكربون
------------------------------------------------------------------------------------------------------------
مرة واحد بخيل امة ماتت عيط عليها بعين واحدة
-------------------------------------------------------------------------------------------
مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه رد اصلي اكتشفت ان اللي بحبها من عشرين سنه طلعت خرطوم
مجموعه محششين قاعدين فى غرزه ومعاهم واحد صغير
وجه البوليس فقال الظابط بيستظرف فسال الطفل الصغير وقل له
امال الشمام الصغير اسمه ايه فقال اسمه كنتلوب
---------------------------------------------------------------------------------
واحد أحول رمى يمين الطلاق على مراته ما جاش فيها
---------------------------------------------------------------------------------
واحد بلدياتنا اتجوز على مراته طلعت هى برضه
----------------------------------------------------------------------------
مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا
-------------------------------------------------------------------------------------
---------------------------------------------------------------------------------------
واحد حانوتي فتح محل فاكهة قام كتب يافطة المـوز علينا حـق
-----------------------------------------------------------------------------------
مدرسة رياضيات اتجوزت حرامى خلفو شبه منحرف
--------------------------------------------------------------------------------
دكتور عظام ماشى فى الشارع الكلاب جريت وراه
----------------------------------------------------------------------------------------
واحد بلدياتنتا حب يموت سمكة غرقها ف الميه
واحد صعيدى ماشى مع واحد لبنانى فسمع الاذان بيأذن فقاله تعالى نصلى قاله انا مسيحي مينفعش قاله وايه يعنى ما انا صعيدي
مره واحد صعيدى قابل واحده اجنبيه
سالها : انتى منين
قالتله: وات ؟ what ?
قالها: اجدع ناس الوتاوته
مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل
واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك
موضوع: اكبر مكتبة نكت 
الجمعة ديسمبر 21, 2007 6:14 am